نه‌ورۆز
گه‌شتێكی وێنه‌ی له‌كوردستان
وێنه‌گر سۆز ئه‌حمه‌د
هــه‌ڵـه‌بجــــه
ئه‌و زامه‌ی هه‌رگیز ساڕێژ نابێت
ئه‌وتاوانه‌ی لێ خۆشبوونی نی یه
رۆژ ١٦ ی ئاداره و ساڵی (١٩٨٨) ه و له باخچه‌كانی هه‌ڵه‌بجه سه‌وزه گیا هه‌ستاوه و گوڵاڵه سوره‌ی به‌هار و نێرگز مژده‌ی هاتنی وه‌رزی به‌هاری ڕه‌نگاوڕه‌نگیان پێیه دایك سه‌ر له‌به‌یانی مناڵ و كاسبكاری به‌ڕێكرد تـــا هه‌ریه‌ك به‌ره‌و كاری خۆی بڕوات مناڵ به‌ره‌و ده‌رگاكانی قوتابخانه و خوێندن بڕوات و كاسبكاریش به‌ره‌و جێی كاری خۆی بڕوات بۆ په‌یدا كردنی بژێوی ژیان و كابانی ماڵیش ده‌ستی كرد به ماڵ پاككردنه‌وه و یه‌كێك به نان كردن تــــــا كات نزیك بووه‌وه له ئاماده‌كردنی نانی نیوه‌ڕۆ…….. كات تێپه‌ڕی به‌ڵام ئــــاه
ئه‌و ته‌یارانه له كوێوه هاتن ؟ بۆچی هاتن؟ ئه‌و ته‌پ و تۆزه چی بوو له‌پڕ باری ئه‌و بۆردومانه بۆ چی بوو؟؟ له‌سه‌رچی بوو؟؟
هێنده‌ی نه‌برد له كاتی به‌یانی و هێشتا نیوه‌ڕۆ نه‌هاتبوو كه بۆردومان و ناڵه‌ی تۆپ و ته‌یاره ئارمیان له‌م شارۆچكه جوانه بڕی , ماڵ و قوتابخانه و نه‌خۆشخانه و بازار خاپوور كرا, منداڵ و پیر و لاو و نه‌خۆش و ته‌ندروست هه‌موو شڵه‌ژان دایك به دوای جگه‌ر گۆشه‌كه‌ی رابكات یان فریای مناڵی بێشكه‌ی بكه‌وێت یان پیری سه‌ر جێگه‌كه‌ی تاو بدات و هه‌ڵبگرێ؟، جوتیار یه‌كه‌مجار بۆ كوێ ڕابكات مه‌ڕ و ماڵاته‌كه‌ی یان ماڵ و خێزانه‌كه‌ی؟ فریای بریندار بكه‌وین یان ساغه‌كان رزگار بكه‌ین؟ له كام لاوه ده‌ست پێ بكه‌م؟؟ بۆ هه‌ر لا ئه‌چم و ڕوو له هه‌ر كوێ ئه‌كه‌م تۆفانی مه‌رگه و ڕووی لێره كردووه……………….
نه ڕۆڵه فریای دایك و باوك نه باب و دایك فریای ڕۆڵه‌كه‌ی كه‌وت هه‌موو پێكه‌وه ئه‌و فه‌رشی ده‌شت و ده‌ره بووه خوانی هه‌موویان كه له‌سه‌ری پێكه‌وه هه‌وای ژه‌هراویان نۆشكرد پێكه‌وه بۆ هه‌میشه چاویان له‌یه‌ك نا هه‌موویان پێكه‌وه مرۆڤه‌كان، باڵنده‌كان، مه‌ڕوماڵاته‌كان، گوڵ و گوڵزاره‌كان به‌یه‌كجار دوا هه‌ناسه‌یان له نه‌و به‌هاره‌دادا …… به‌ڵام بۆ؟؟ خۆ به‌هار بۆنی باران و نێرگز و گوڵه‌كانی هه‌یه , ئه‌م هه‌وا ژه‌هرینه له كوێوه هات؟؟
به‌ڵێ ئه‌وه‌ی له‌سه‌ره‌وه وێنا كراوه نه چیرۆكه و نه سه‌رگوزشته و نه ڕۆمانه……..ئه‌وه راستیه، ئه‌وه سیمای ١٦-٣-١٩٨٨ كات ١١ ی پێش نیوه‌ڕۆیه …. ڕۆژی خنكاندن و كوشتنی هه‌ڵه‌بجه‌یه به نامرۆڤانه‌ترین و بێ ویژدانترین شێواز كه به ده‌ستی سه‌ددامی دكتاتۆر و حكومه‌تی به‌عسی رووخاو و، به بۆردوومان و چه‌كی كیمیایی دوا هه‌ناسه‌ی له‌و شارۆچكه جوانه بڕی و مه‌له‌كانی له خوێندن خست، گوڵه‌كانی له سه‌ما كرد، مناڵه‌كانی له یاری كردنی گۆڕه‌پانی قوتابخانه و كۆڵانه‌كان كرد, جوتیاری له كێڵانی باخ و بێستانه‌كان كرد, دایكی له لانه‌كی مناڵ و چێشتخانه خست, كـــێ هه‌یه ئه‌م چیرۆكه‌ی نه‌بیستبێت و تــــێر نه‌گریا بێت؟ ئه‌وه هه‌ڵه‌بجه‌ی زامداره و ئه‌مڕۆ برینه‌كه‌ی سه‌ر له‌نوێ كولایه‌وه, هه‌موو وه‌رن باپێكه‌وه ساڕێژی بكه‌ین.
دڵی ئه‌و كه‌سانه بده‌ینه‌وه كه هیچ كه‌سێكیان له بنه‌ماڵه بۆ نه‌ماوه‌ته‌وه و ته‌نیا ماون له ژیان با ببینه كه‌س وكار بۆیان، ئه‌وانه‌ی هۆشیان له ده‌ست داوه با هه‌وڵبده‌ین هۆشیان به خۆشی و به جوانیه‌كان پڕ بكه‌ینه‌وه تـــــا به هیچ جۆرێك ئه‌و ڕۆژه‌یان به‌بیر نه‌یه‌ته‌وه، بـــا دڵی ئه‌و كه‌سانه بده‌ینه‌وه كه كه‌مئه‌ندام بوون ، بــــا ئه‌و به‌شه‌یان له‌بیر به‌رینه‌وه و ببینه هه‌موو ژیانیان، بـــا ئه‌وانه بدۆزینه‌وه كه تا ئه‌مڕۆش له ژیاندا ماون و ناسنامه‌ی خۆیان به‌بیر نایه‌ته‌وه به خاكی خۆیانیان بناسێنینه‌وه به هه‌ڵه‌بجه‌ی ئه‌مڕۆیان بناسێنینه‌وه. بــــــا نه‌هێڵین هیچ خاك و ئاو و بوونه‌وه‌رێك ئاكامیان وه‌ك ئاكامی هه‌ڵه‌بجه بێت. با ته‌نیا هه‌ڵه‌بجه زامدار بێت به‌و شێوه‌یه و بـــا پێكه‌وه زامی هه‌ڵه‌بجه ساڕێژ بكه‌ین.
هه‌زاران سڵاو بۆ گیانی په‌پووله ئاسای شه‌هیدانی هه‌ڵه‌بجه، پێیان ئه‌ڵێین ئارامبگرن چیدی ڕژێمێك نه‌ماوه به ناوی رژێمی به‌عس هه‌ڕه‌شه‌تان لێ بكات ، ڕۆحتان ڕانه‌چڵه‌كێت ئیتر سه‌ددامێك نیه هه‌ره‌شه له مناڵ و لاو و گه‌نج و پیر و جوانتان بكات، ئه‌مڕۆ كوردستان خۆی خاوه‌نی ماڵ و حكومه‌ت و په‌رله‌مانی خۆیه‌تی و ئێوه بوونه ناسنامه‌ی كوردان، ئێوه بوون هه‌ر چه‌ند زۆر به بێ ده‌نگی كوژران به‌ڵام هاوارتان گه‌یشته بۆشایی ئاسمان، ئێوه بوون خوێنی لاوانتان خرۆشان تـــا چیدی زه‌بر و زه‌ند قبوڵ نه‌كه‌ن. چیدی سه‌ر بۆ هیچ ڕژێم و دیكتاتۆرێك دانه‌نه‌وێنن. دووباره هه‌زاران سڵاو بۆ گیانی ئارامگرتوویان.
تــیمی مـــاڵــپـــــه‌ری ڕێــــــــبه‌ری كــوردی
ڕاپه‌رین
هۆنراوه/ حه‌سیب قه‌ره‌رداغی
وا ڕاپه‌رین و نه‌ورۆز هاته‌وه
پشكۆی شۆڕشی نوێ ئه‌خاته‌وه
ڕۆڵه‌ی خوێن گه‌رمی ، ئه‌م خاك و گه‌له
چۆن پشتگوێ ئه‌خا، ئه‌م مه‌رج و هه‌له
شریخه‌ی گو له و ، بانگی ئازادی
وڵات ته‌ی ئه‌كه‌ن، وادی به وادی
خوێنی شه‌هیده، مژده‌ی به‌یانی
ئه‌دا به كورد ،و به كوردستانی
هــۆ شه‌هیده‌كان، ئێوه‌ن ئاڵامان
ئێوه‌ن پێناسه‌ی به‌قه‌د باڵامان
گیانی ئێوه‌یه په‌رچه‌می نازمان
شانازی و هیوا و، سروود و ڕازمان
خوێنی شه‌هیده، مژده‌ی به‌یانی
ئه‌دا به كورد ،و به كوردستانی
وێنه‌یه‌ك له‌هه‌له‌بجه
كاتێك هه‌ڵه‌بجه رووی له‌شاستانیه‌ت كرد به‌م شێوه‌یه رۆڵه‌كانی په‌روه‌رده كرد پێش ئه‌وه‌ی پێ ی میكرۆبه‌كانی به‌عسی تێبچێ ئه‌م وێنانه شایه‌تی راستیه‌كانن
جگه‌ری مریشك به روب هه‌نار
پێداویستیه‌كان
١ـ ١ كیلۆ گرامجگه‌ری مریشك (پاك شۆرابێته‌وه)
٢ـ پیازێكی گه‌وره، وورد جنرابێت.
٣ـ نیو كه‌وچكی بچووك بیبه‌ری سوور
٤ـ كه‌وچكێك خوێ
٥ ـ چاره‌كه كه‌وچكێكی بچووك بیبه‌ری ڕه‌ش (ئاڵه‌ت)
٦ـ كه‌وچكێك زیره
٧ـ چاره‌كه كوپێك ڕۆنی زه‌یت
٨ـ كه‌وچكێك یان دوو كه‌وچكی چێشت روب هه‌نار
** ئه‌م بڕه بۆ ٤ تـــا ٥ كه‌س ده‌بێت.
چۆنێتی ئاماده كردنی
١ ـ زه‌یته‌كه ئه‌خه‌ینه ناو تاوه‌یه‌كه‌وه و باش گه‌رم ئه‌كرێت.
٢ ـ پیازه‌كه‌ی تێده‌كرێت و باش سوور ده‌كرێته‌وه.
٣ ـ دواتر جه‌گه‌ره‌كه‌شی تێده‌كرێت و سوور ده‌كرێته‌وه تـــا ڕه‌نگی ده‌گۆڕێتو بڵق له زه‌یته‌كه‌دا دروست ده‌بێت.
٤ ـ زیره و بیبه‌ری سوور و بیبه‌ره ڕه‌شه‌كه ده‌كه‌ین به‌سه‌ریاندا, و جوان تێكده‌درێت.
٥ ـ روبی هه‌ناره‌كه ده‌كه‌ین به سه‌ریدا و بۆ ماوه‌ی ٢ خوله‌ك له‌سه‌ر ئاگره‌كه ده‌هێڵرێته‌وه.
٦ ـ دواتر ئاگره‌كه‌ی لێ ده‌كوژێنرێته‌وه و وه‌كو زه‌ڵاته‌یه‌ك پێشكه‌ش ده‌كرێت
ڕۆژی جیهانی ئافره‌ت
