نه‌ورۆز

هۆنراوه‌ / پیره‌مێرد
ئاواز/ حه‌مه‌ صالح دیلان

ئه‌مڕۆژی ساڵی تازه‌یه‌ نه‌ورۆزه‌، هاته‌وه‌
جه‌ژنێكی كۆنی كورده‌ به‌ خۆشیی و به‌ هاته‌وه‌
چه‌ند ساڵ، گوڵی هیوای ئێمه‌ پێ په‌ست بوو تاكو پار
هه‌ر خوێنی لاوه‌كان بوو، گوڵی ئاڵی نه‌وبه‌هار
ئه‌و ڕه‌نگه‌ سووره‌ بوو، كه‌ له‌ ئاسۆی بڵندی كورد
مژده‌ی به‌یانی، بۆ گه‌لی دوور و نزیك ئه‌برد
نه‌ورۆز بوو ئاگرێكی وه‌های خسته‌ جه‌رگه‌وه‌
لاوان به‌ عه‌شق ئه‌چوون به‌ره‌و پیری مه‌رگه‌وه‌
وا ڕۆژهه‌ڵات له‌ به‌نده‌نی به‌رزی ووڵاته‌وه‌
خوێنی شه‌هیده‌ ڕه‌نگی شه‌فه‌ق شه‌وق ئه‌داته‌وه‌
تــا ئێستا ڕووی نه‌داوه‌ له‌ ته‌ئریخی میلله‌تا
قه‌ڵغانی گولله‌ سنگی كچـان بێ‌ له‌ هه‌ڵمه‌تا
پێیناوێ‌ بۆ شه‌هیدی وه‌ته‌ن، شیوه‌ن و گرین
نامـرن، ئه‌وانه‌ وا له‌ دڵــی میلله‌تا ئه‌ژین