نه‌ورۆز

جه‌ژنه‌ جه‌ژنی كوردستانه‌ ، جه‌ژنی نه‌ورۆزه‌
به‌ تیشكی ئاگر ئه‌نووسم جه‌ژنه‌ پیرۆزه‌

كورد و كوردستانیانی ئازیز ئه‌وا وه‌رزی به‌هار هاته‌وه‌ و له‌گه‌ڵ خۆی نه‌ورۆز و ســـاڵی نوێی هێنایه‌وه‌, به‌ قه‌د جوانی ده‌شت و كێوه‌كانی كوردستان، به‌قه‌د بڵندی باڵای چـــیا سه‌ركه‌شه‌كانی كوردستان ، به‌قه‌د خۆشیی بۆنی نێرگزه‌ جاری جوان، به‌قه‌د جوانی گوڵاڵه‌ سووره‌ی به‌هار، به‌قه‌د بڵێسه‌ی ئاگری كوردستان نه‌ورۆزتان لێ‌ پیرۆز ده‌كه‌ین له‌ كوردستانی ئازیز بـــن یــان له‌هه‌ر شوێنێكی ئه‌م جیهانه‌ بن ســـاڵـــــی نوێی (٢٧١٢)ی كوردیتان پیرۆز بێت.
به‌وهیوایه‌ی ســـــاڵی نوێ و ئه‌م نه‌و به‌هاره‌ مژده‌ی خۆشی و كامه‌رانی ئاسووده‌یی و ئارامی بۆ گشت لایه‌ك بهێنێت و پێكه‌وه‌ له‌ كوردستانی ئازاددا ژیان بگوزه‌رێنین.پێكه‌وه‌ بۆ گه‌شت و سه‌یران ڕوو له‌ ده‌شت و كێوه‌كان بكه‌ین و كوردستان ئاڵ و واڵا بكه‌ین به‌ به‌رگی كوردیی شیرین و چریكه‌ی مه‌له‌كان و ئاواز و گۆرانی هه‌مووان بگاته‌ به‌رزترین به‌شی ئاسمان.
دووبـــاره‌ ساڵی نوێی كوردی و جه‌ژنی نه‌ورۆزتـــان پیرۆز بێت و كورد و كوردستانیانی ئازیز و هه‌میشه‌ له‌ خۆشی و شــــادیدا بن.
له‌گه‌ڵ ڕێزی تیمی ماڵپه‌ری ڕێبه‌ری كوردی