په‌رده‌ پڵاو

كه‌ره‌سته‌كانی

٢٥٠ گم گۆشتی قیمه‌ شێوه‌ی كفته‌ی یچووك بچووك كرابێت به‌ قه‌د قه‌باره‌ی گێلاسێك ببێت
٢ په‌تاته‌ی قه‌باره‌ مام ناوه‌ند كه‌ به‌شێوه‌ی شه‌ش پاڵوی بچووك ورد كرابێت
٢ كوپ برنجی به‌سمه‌تی
٤ هێلكه‌ی كوڵاو به‌ پێی ئاره‌زوو گه‌ر ئاره‌زووی تێكردن هه‌بوو
١ كوپ به‌زالیا
١,٥ كه‌وچكی چێشت به‌هاراتی بریانی
خوێ‌.
زه‌یتی رووه‌كی یــان هه‌ر ڕۆنێك بێت بۆ سووركردنه‌وه‌ی كه‌ره‌سه‌كان.
هه‌ندێك ریشاڵی زه‌عفه‌ران.
ئاوی مریشك.
(ئه‌م بڕه‌ بۆ نزیكه‌ی ٦ تــــا ٨ كه‌س ده‌بێت).

هه‌ویــــره‌كه‌ی

١ كوپ ئارد
ئاو
٠,٥ كه‌وچكی بچووك خوێ‌
٢ كه‌وچكی چێشت زه‌یت

چۆنێتی ئاماده‌ كردنی هه‌ویره‌كه‌

ئارد و خوێ‌ و زه‌یته‌كه‌ باش تێكه‌ڵ ده‌كرێت و دواتر ئه‌وه‌ندی ئاو تێده‌كرێت و ده‌شێلرێت تــــا هه‌ویرێكی لێ‌ ده‌ربچێت توندیه‌كه‌ی مام ناوه‌ند بێت و باش داده‌پۆشرێت و بۆ ماوه‌ی ١٠ تــا ١٥ خوله‌ك داده‌نرێت.

چۆنێتی ئاماده‌ كردنی په‌رده‌ پڵاوه‌كه‌

١ ـ رۆنه‌كه‌ له‌سه‌ر ئاگر داده‌نرێت و په‌تاته‌ وورد كراوه‌كه‌ سوور ده‌كرێته‌وه‌ له‌ رۆنه‌كه‌دا. و دواتر دادنرێت به‌ جیا له‌ ده‌وریه‌كدا
٢ـ سنگه‌ كولێنراوه‌كه‌ سوور ده‌كرێته‌وه‌ له‌ هه‌مان رۆنی په‌تاته‌كه‌دا و پاشان پارچه‌ پارچه‌ (ریشاڵ) ده‌كرێت
٣ ـ تۆپی قیمه‌كان له‌ هه‌مان رۆندا سوور ده‌كرێنه‌وه‌ و له‌گه‌ڵ سنگه‌ مریشكه‌ سووره‌وه‌كراوه‌كه‌ له‌ ده‌وریه‌كدا داده‌نرێن
٤ ـ هێلكه‌ كوڵێنراوه‌كه‌ توێكله‌كه‌ی لێده‌كرێته‌وه‌ و له‌ رۆنه‌كه‌دا سوور ده‌كرێته‌وه‌ و دواتر پارچه‌ پارچه‌ ده‌كرێت و له‌گه‌ڵ گۆشته‌كان دا داده‌نرێت.
٥ ـ به‌زالیاكه‌ش تێكه‌ڵی گۆشت و هێلكه‌كه‌ ده‌كه‌ین. و به‌هاراتی بریانیه‌كه‌ ده‌كه‌ین به‌سه‌ریاندا و باش تێكه‌ڵ ده‌كرێن
٦ ـ برنجه‌كه‌ ده‌شۆررێته‌وه‌ و بۆ ماوه‌ی ١٥ خوله‌ك له‌ ئاودا داده‌نرێت و دواتر پێش ئه‌وه‌ی بیكه‌ینه‌ ناو ئاوی مریشكه‌كه‌وه‌ وشكی ده‌كه‌ینه‌وه‌ له‌ ناو سووزگیه‌كی كون ووردی ده‌خه‌ین
٧ ـ ئاوی مریشكه‌كه‌ ده‌كوڵنین و برنجه‌ خوساوه‌كه‌ی تێده‌كه‌ین تـــــا ئاوی مریشكه‌كه‌ به‌ ته‌واوی هه‌ڵده‌مژێت، و دواتر ئاگره‌كه‌ ده‌كوژێنینه‌وه‌ و وازی لێده‌هێنین
٨ ـ هه‌ویره‌كه‌ له‌سه‌ر شوێنێكی ته‌ختی ئارداوی كراو ده‌كرێته‌وه‌ به‌ شێوه‌ی بازنه‌
٩ ـ مه‌نجه‌ڵێكی شووشه‌ی پایرێكس ده‌هێنین و ناوه‌كه‌ی باش چه‌ور ده‌كه‌ین به‌ زه‌یت و هه‌ویره‌ پانكراوه‌كه‌ له‌ناویدا راده‌خه‌ین به‌شێوه‌یه‌ك هه‌موو بنك و دیواری مه‌نجه‌ڵه‌كه‌ بگرێته‌وه‌ و له‌ به‌رزی دیواری مه‌نجه‌ڵه‌كه‌ش زیاتر بێت.
١٠ ـ برنج و گۆشت و سنگ و هێلكه‌ و به‌زالیا و په‌تاته‌كه‌ هه‌موویان باش تێكه‌ڵ ده‌كرێن و ده‌كرێنه‌ ناو هه‌ویری مه‌نجه‌ڵه‌كه‌وه‌.
١١ـ هه‌ویره‌ زیایه‌كه‌ی دیواری مه‌نجه‌ڵه‌كه‌ ده‌درێته‌وه‌ به‌سه‌ر تێكه‌ڵاوه‌كه‌ و باش داده‌پۆشرێت كه‌ ناواخنه‌كه‌ به‌ته‌واوی دابپۆشێت
١٢ ـ رووكاری سه‌ره‌وه‌ی هه‌ویره‌كه‌ش به‌ هه‌مان شێوه‌ چه‌ور ده‌كرێت به‌ زه‌یت یـــان رۆنه‌ كه‌ره
١٣ ـ مه‌نجه‌ڵه‌كه‌ ده‌خرێته‌ ناو فرنه‌وه‌ و له‌سه‌ر پله‌ی گه‌رمی (٣٥٠ پله‌ی فه‌هرنهایت = ١٨٠ پله‌ی سه‌دی) داده‌نرێت تــــــــــا هه‌ویره‌كه‌ به‌ته‌واوی ده‌برژێـــت و ئاڵ ده‌بێت.
مه‌نجه‌ڵه‌كه‌ له‌ فرنه‌كه‌ ده‌رده‌هێنین و له‌سه‌ر قاپێك رۆده‌كرێت و وه‌كو كێك قاش ده‌كرێت و له‌گه‌ڵ زه‌ڵاته‌ی وه‌رزدا پێشكه‌ش ده‌كرێت.

٣ كه‌وچكی چێشت زه‌یت