هێمن موكریانی

كورته‌یه‌ك له‌ژیانی هێمن موكریانی

به‌شی دووه‌م

هێمنی شاعیر ده‌ڵێت ئه‌لفوبێم له‌ خزمه‌ت مامۆستا سه‌عید ناكام خوێندووه‌. قوتابخانه‌ی سه‌ره‌تایی له‌ سابڵاخ خوێندووه‌ تــا پۆلی چواره‌م له‌ قوتابخانه‌ی سه‌عاده‌تی ده‌وڵه‌ت بووه‌ . و هاوینانیش له‌ گوند له‌لای باوكی كتێبی ئینشایی ده‌خوێند و لاسایی خه‌تی ئه‌میر نیزامی گه‌ڕووسی و میرزا حوسێنی ره‌شه‌ی ده‌كرده‌وه‌, و ئینشای فارسی باش فێربوو, و خه‌تــی زۆر خۆش بوو.
له‌به‌ر ئه‌م خه‌ت خۆشیه‌شی كه‌ باوكی خــه‌ت و نووسنی هێمنی بینی پێی ووت ڕۆڵه‌ بوویه‌ میرزا و خوێندنی مه‌دره‌سه‌ به‌سه‌, و بچۆ له‌ مه‌دره‌سه‌ی دینی بخوێنه‌ و جێی مه‌لا جــامی چۆڕی بگره‌وه‌. زۆری پێ ناخۆش بوو ده‌ست له‌ قوتابخانه‌ هه‌ڵبگرێ, پێی خۆش نه‌بوو ببێته‌ مه‌لارقی له‌ جل و به‌رگی مه‌لا بووه‌.
ماوه‌ی چوار ســاڵ له‌ خانه‌قا ده‌خوێنێت یان وه‌ك خۆی ده‌ڵێت باشم نه‌خوێن, به‌ڵام تۆڵه‌ی ئه‌و كۆیله‌تی ساوایه‌تیه‌ی ئه‌ستانده‌وه‌, له‌گه‌ڵ خاڵۆزاكانی خه‌ریكی به‌دفه‌ری و بزۆزی و ده‌س بزێوی بووه‌.
هێمن هه‌ژاری شاعیری ناسیوه‌ و هاوڕێیه‌تی له‌ نێوانیاندا هه‌بووه‌ و هاتو چۆی مه‌جلیسی ئه‌ده‌بای خانه‌قا حه‌زی ئه‌ده‌بیی له‌لای هێمندا دروستكرد و ته‌نانه‌ت شیعری فارسیشی ده‌ووت, به‌ڵام ته‌نیا بۆ هه‌ژاری خوێندۆته‌وه‌. كه‌ باوكی ده‌زانێت له‌ جانه‌قا كات به‌ فیڕۆ ده‌دات ڕایده‌گوێزێت بۆ كولیجه‌, ئه‌ویش موڵكی خاڵی هێمن بووه‌ و مامۆستا فه‌وزی له‌وێ‌ ده‌ناسێت كه‌ مه‌لایه‌تی ده‌كرد. هێمن ده‌ڵێت من ده‌سكردی ((فه‌وزی))م, ئه‌و هه‌ڵیوه‌شاندمه‌وه‌ و تێكی هه‌ڵشێلام و سه‌ر له‌نوێ‌ دروستی كردمه‌وه‌, ئه‌و تێیگه‌یاندم كه‌ من ڕۆڵه‌ی كوردم و كوردیش نه‌ته‌وه‌یه‌كی بێ به‌ش و چاره‌ ڕه‌ش و زۆر لێ‌ كراوه‌ و ده‌بێت رۆڵه‌كانی له‌ پێناوی رزگار كردنیدا فیداكاری بكه‌ن, و ئه‌گه‌ر نه‌چوومایه‌ته‌ خزمه‌تی ئه‌و ئه‌وا رێبازی ژیانم ئه‌و رێبازه‌ نه‌ده‌بووكه‌ گرتم و پێیدا رۆیشتم. ئه‌و فێری كردم ووڵاته‌كه‌مم خۆش بووێت و پێیدا هه‌ڵبڵێم , فێری كردم چۆن بنووسم و شیعر بڵێم, ئه‌و حاڵی كردم كه‌ زمانی كوردی زمانێكی ره‌وان و به‌ر بڵاو و ده‌وڵه‌مه‌نده‌ و ده‌كرێ‌ ئه‌ده‌بێكی گه‌وره‌ و دنیــا په‌سه‌ندی هه‌بێت, ئه‌و ((حاجی قادری كۆیی ـ نالی ـ كوردی ـ ســالم ـ مه‌وله‌وی ـ حه‌ریق ـ مه‌حوی ـ ئه‌ده‌ب ـ وه‌فایی)) پێناساندم و شیعره‌كانی ئه‌وانی بۆ شی كردمه‌وه‌.
هــێمن شاعیرێكی زۆر گه‌وره‌ و گرنگه‌ و خاوه‌نی كۆمه‌ڵێك شیعری جوانه‌ و دیوانه‌كانی به‌ ناوی (تاریك و ڕوون ـ ناڵه‌ی جودایی)یه‌ و چه‌ند كۆمه‌ڵه‌ شیعرێكی وه‌كو بارگه‌ی یاران و ورده‌واڵه‌ هه‌یه‌.

كــوردم ئه‌مـــن
گه‌رچی تووشی ڕه‌نجه‌ڕۆیی و حه‌سره‌ت و ده‌ردم ئه‌من
قه‌ت له‌ ده‌ست ئه‌م چه‌رخه‌ سپڵه‌ نابه‌زم، مه‌ردم ئه‌من
ئاشقی چاوی كه‌ژاڵ و گه‌ردنی پڕ خاڵ نــــیم
ئاشقی كێو و ته‌لان و به‌نده‌ن و به‌ردم ئه‌من
گه‌ر له‌ برسانا و له‌به‌ر بێ‌ به‌رگی ئه‌مڕۆ ڕه‌ق هه‌ڵێم
نۆكه‌ری بێگانه‌ ناكه‌م تـــا له‌سه‌ر هه‌ردم ئه‌م
من له‌ زنجیر و ته‌ناف و دار و به‌ند بــاكـــم نیه‌
له‌ت له‌تم كه‌ن، بمكـوژن، هێشـتا ده‌ڵێم كورد ئه‌من
ســـاڵی ١٩٤٢