هۆنراوه‌ی گۆران

ئـــه‌ڕۆی ئـــۆغر

كڵاولار گورجی كه‌و ره‌فتار ! نه‌زه‌ر ناكه‌ی ئه‌ڕۆی ئـــۆغر؟
له‌ تــیری ئاهی ناكامیم حه‌زه‌ر ناكه‌ی ئه‌ڕۆی ئـــۆغر؟
به‌ دووتــــا ئه‌شكی حه‌سره‌ت خوێن ئه‌بارێنی به‌سه‌ر ده‌شتا,
تـــه‌ماشــای لاله‌زاری ڕاگـوزه‌ر ناكه‌ی ئه‌ڕۆی ئــۆغر؟
له‌لای خه‌ڵقی گــه‌دایه‌ گــه‌ردی ژێر پێی موڵكی دڵداری
به‌ سایه‌ت وه‌ك هوما تــاجم له‌سه‌ر ناكه‌ی ئه‌ڕۆی ئۆغــر؟
بــه‌ له‌رزه‌ و زه‌لزه‌له‌ی ئه‌و پڵپڵانه‌ی ده‌وری پووشینت,
بینای هه‌سـتم هه‌مـوو زێڕ و زه‌به‌ر ناكه‌ی ئه‌ڕۆی ئـۆغر؟
ئه‌وا واعیز ئه‌ڵێ‌ لاده‌ له‌ قیبله‌ی عه‌شق و جوانــی ڕوو,
سه‌ماعی وه‌عزی سه‌رتاپا زه‌ره‌ر ناكه‌ی ئه‌ڕۆی ئـــۆغر؟
فریشته‌ی یــا په‌ری یــا حۆری ئه‌ی شۆخی مه‌له‌ك شێوه‌؟
به‌ عیشوه‌ و خوو له‌ هاوجینسی به‌شه‌ر ناكه‌ی ئه‌ڕۆی ئـــۆغر؟
به‌تای دوڕڕی غه‌زه‌ل ئه‌چنم له‌ حه‌سره‌ت ڕشته‌یی تێشووت,
مه‌تای عومــری درێژكردووم له‌به‌رناكه‌ی ئه‌ڕۆی ئۆغــر؟
ئه‌ڕۆی ئۆغر؟ ئه‌ڕۆی ئۆغر؟ نه‌زه‌ر ناكه‌ی ئه‌ڕۆی ئـــۆغر؟
حــه‌یام, عه‌قڵم, دڵ و دینم هه‌ده‌ر ناكه‌ی ئه‌ڕۆی ئـــۆغر؟